Summer Program və “AzeRobot Education arasında birgə fəaliyyətlərin təşkili ilə bağlı ilkin danışıqlar aparılıb. Əməkdaşlıq çərçivəsində tərəflər gələcəkdə uşaqlar və gənclərin qeyri-formal təhsil yolu ilə inkişafına yönəlmiş innovativ təhsil proqramları, layihələr və tədbirlər həyata keçirməyi hədəfləyirlər.
Qeyd edək ki, AzeRobot Education 2021-ci ilin iyul ayından fəaliyyət göstərən, 5 yaşdan yuxarı uşaqlar və gənclər üçün robototexnika, mühəndislik və proqramlaşdırma sahələrində ixtisaslaşmış tədris mərkəzidir. Mərkəz müasir texnologiyalar üzrə təlim və kurslar təşkil edərək, iştirakçıların yaradıcılıq, məntiqi düşünmə və praktiki bacarıqlarını inkişaf etdirir.
Summer Program uşaqlar və yeniyetmələrin qeyri-formal təhsil metodları ilə inkişafına yönəlmiş, liderlik, mühəndislik, yaradıcılıq, fiziki və zehni inkişaf kimi sahələrdə öyrədici və motivasiyaedici mühit yaradan bir platformadır. Layihə müxtəlif təşkilatları bir araya gətirərək gənclərin fərdi və sosial inkişafına töhfə verir.
Summer Program-ın direktoru Xəqani Məmmədov bildirib:
“Bu əməkdaşlıq uşaqlar və gənclər üçün yalnız texniki bilikləri deyil, həm də liderlik, yaradıcılıq və sosial bacarıqları inkişaf etdirən unikal tədris və düşərgə proqramları təqdim edəcək. Məqsədimiz gəncləri həm gələcəyin texnologiyaları ilə tanış etmək, həm də onların şəxsi inkişafına töhfə verməkdir. AzeRobot Education ilə əməkdaşlıq bu istiqamətdə mühüm addımdır.”
AzeRobot Education-un direktoru İmamir Mirzoyeva isə vurğulayıb:
“Bu birgə təşəbbüs uşaqlara robototexnika, mühəndislik və proqramlaşdırma biliklərini interaktiv və əyləncəli şəkildə öyrənmək imkanı verəcək. Bizim üçün əsas məqsəd uşaqları gələcəyin peşələrinə hazırlamaqdır. Summer Program ilə birgə layihələr bu imkanları daha da genişləndirəcək.”
Əməkdaşlıq çərçivəsində həyata keçiriləcək proqramlar vasitəsilə uşaqlara həm texniki, həm də sosial bacarıqlar qazandıran, innovativ və əyləncəli öyrənmə mühiti yaradılması planlaşdırılır.